El-Mansiette letra

صبحت عالفجاري
ثارت تنزف عالفلوس
راجلها كي البوهالي
عايش عالة كي الفيروس
جو باڨي البنات من تالي
ركبت في الكميون
و غطّت راص كلاه صهيدي
البرد و برشة هموم
تلمّو عالبرّاد و غنّو
باش تدفى ليدين
ڨبل مايجيهم مولى الباش
و كلبو عم حسين
و يبدى نهار صياح
طياح كتاف طياح قدر
نهار تموت فيه ألف أنثى
باش يعيش ذكرالشمس في ڨلبو صارت
هم ڨالو جا وڨت فطور
غمّس بالخبز البايت
ياغرطة و التّاي يدور
جو أصحاب الشركة
هزّو الغلّة و حطّو شقف
الّي جاباته الأرض
و الي فوڨ الأرض
لكل تلهف
نبح الكلب وفات الرّاحة
تلمّو لبناويت
نبح و ما يرتاح
كان مايخرّج منهم زيت
طاحت شمس عشيّة
و رجعت بانت ليسوزي
الكلب تبركالله
يحسب في الغلة
و يصلّي عالنبيلاااااا
دمّك في الكيّاس
دمّك طعمو مرّ
لعنة أرض و ناس
الدولة و البشر
دمّك دمّك دمّك
في أرقابنا.

Znous - Letras

• El-Mansiette